ఆంధ్రభారతి - తాళ్లపాక అన్నమాచార్య కీర్తనలు - అన్నియును హరి సేసే యటమటాలే యివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 113-3
సంపుటము: 2-75

తాళ్లపాక అన్నమాచార్య

రాగము: బౌళి

అన్నియును హరి సేసే యటమటాలే యివి పన్నిన సుజ్ఞానికి బయలై తోఁచు	॥పల్లవి॥
తిరుపై యవ్వలవ్వలఁ దిరుగుచుండేటివేళఁ దిరిగినట్లనుండు దిక్కులెల్లాను సిరుల సంసారభ్రమఁ జిక్కిన జీవునికిని పరగ నైహికమే పరమై తోఁచు	॥అన్ని॥
సొగసి యద్దమునీడ చూచినవేళఁ దనకు మగుడ వేఱొకరూపు మతిఁ దోఁచును తగిలి యిట్లానేపో తనుఁదా నెఱఁగకున్న నిగిడిన పుట్టువులు నిజమై తోఁచు	॥అన్ని॥
కదిసిన సకలాంధకార మంతటాఁ గప్పి వుదయమైతే నన్నీ నొదిగినట్టు హృదయపు శ్రీవేంకటేశుఁడు వెల్లవిరైతే మదిలో నజ్ఞానము మాయమై తోఁచు	॥అన్ని॥