ఆంధ్రభారతి - తాళ్లపాక అన్నమాచార్య కీర్తనలు - బలువుఁడు హరిఁ జేపట్టితిని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 113-5
సంపుటము: 2-77

తాళ్లపాక అన్నమాచార్య

రాగము: మాళవి

బలువుఁడు హరిఁ జేపట్టితిని తలఁచినదెల్లా దక్కెను నాకు	॥పల్లవి॥
దురితధ్వంసుఁడు దుఃఖవిదారుఁడు అరిభయంకరుఁ డచ్యుతుఁడు సిరివరుఁ డితనినిఁ జేకొని కొలిచిన పరమసుఖమెపో భయ మెక్కడిది	॥బలు॥
దానవాంతకుఁడు దైవశిఖామణి మానరక్షకుఁడు మాధవుఁడు నానాముఖముల నాపాలఁ గలఁడు యేనెపముల నా కెదురే లేదు	॥బలు॥
అనయము నిర్మలుఁ డఖిలానందుఁడు ఘనుఁ డీశ్రీవేంకటవిభుఁడు కనుకొని మము నిటు గాచుక తిరిగీ యెనయఁగ నేలికె యితఁడే మాకు	॥బలు॥