ఆంధ్రభారతి - తాళ్లపాక అన్నమాచార్య కీర్తనలు - మేలు లేదు తీలు లేదు మించీనిదే హరిమాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 113-6
సంపుటము: 2-78

తాళ్లపాక అన్నమాచార్య

రాగము: దేవగాంధారి

మేలు లేదు తీలు లేదు మించీనిదే హరిమాయ కాలమందే హరిఁ గంటి కైవల్య మొకటే	॥పల్లవి॥
సురలును జీవులె నసురలును జీవులె ధర నిందుఁ బ్రకృతిభేదమే కాని సురలకు స్వర్గ మసురలకు నరకము పరగ నీరెంటిగతి పాపపణ్యములే	॥మేలు॥
పొలఁతులు జీవులే పురుషులు జీవులే తలఁప భావభేదములే కాని బలిమి స్వతంత్రముఁ బరతంత్ర మొకరికి యెలమి విందులోఁ జెల్లే హీనాధికములే	॥మేలు॥
రాజులును జీవులే రాసిబంట్లు జీవులే వోజతో సంపద చెల్లేదొకటే వేరు సాజపు శ్రీవేంకటేశు శరణ మొక్కటే గతి బాజుఁ గర్మ మొండొకటి బంధమోక్షములు	॥మేలు॥