ఆంధ్రభారతి - తాళ్లపాక అన్నమాచార్య కీర్తనలు - అయ్యో నేనే కా అన్నిటికంటెఁ దీలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 114-2
సంపుటము: 2-80

తాళ్లపాక అన్నమాచార్య

రాగము: లలిత

అయ్యో నేనే కా అన్నిటికంటెఁ దీలు గయ్యాళినై వ్రిధా గర్వింతుఁ గాని	॥పల్లవి॥
తడిపివుదికినట్టి ధౌతవస్త్రములు నా- యొడలు మోఁచినమీఁద యోగ్యము గావు వుడివోక వనములో వొప్పైనవిరులు నే- ముడిచి వేసినంతనే ముట్టరాదాయను	॥అయ్యో॥
వెక్కసపు రచనల వేవేలు రుచులు నా వొక్కనాలుకంటితేనే యోగ్యముగావు పక్కన దేవార్హపుఁ బరిమళ గంధములు నా- ముక్కుసోఁకినంతలోన ముట్టరాదాయను	॥అయ్యో॥
గగనాననుండి వచ్చేగంగాజలములైన వొగి నాగోరంటితేనే యోగ్యము గావు నగు శ్రీవేంకటపతి నన్నే రక్షించినదాఁక మొగడై యెరుక తుదిముట్టరాదాయను	॥అయ్యో॥