ఆంధ్రభారతి - తాళ్లపాక అన్నమాచార్య కీర్తనలు - నాటికి నాఁడు గొత్త నేటికి నేఁడు గొత్త - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 115-1
సంపుటము: 2-85

తాళ్లపాక అన్నమాచార్య

రాగము: శంకరాభరణం

నాటికి నాఁడు గొత్త నేటికి నేఁడు గొత్త నాటకపు దైవమవు నమో నమో	॥పల్లవి॥
సిరుల రుక్మాంగదుచేతి కత్తిధారఁ దొల్లి వరస ధర్మాంగదుపై వనమాలాయ హరి నీకృపకలిమి నట్లనే అరులచే కరిఖడ్గధార నాకుఁ గలువదండాయ	॥నాటి॥
మునుప హరిశ్చంద్రు మొనకత్తిధారఁ దొల్లి పొనిఁగి చంద్రమతికిఁ బూవుదండాయ వనజాక్ష నీకృపను వరశత్రులెత్తి నట్టి- ఘనఖడ్గధార నాకుఁ గస్తూరివాటాయ	॥నాటి॥
చలపట్టి కరిరాజు శరణంటే విచ్చేసి కలుషముఁ బెడఁబాపి కాచినట్టు అలర శ్రీవేంకటేశ ఆపద లిన్నియుఁ బాపి యిల నన్నుఁ గాచినది యెన్నఁ గతలాయ	॥నాటి॥