ఆంధ్రభారతి - తాళ్లపాక అన్నమాచార్య కీర్తనలు - కామధేనువై కలిగె నీధరణి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 115-3
సంపుటము: 2-87

తాళ్లపాక అన్నమాచార్య

రాగము: లలిత

కామధేనువై కలిగె నీధరణి వాములు వలసినవారికి విధులు	॥పల్లవి॥
అందరు జీవులే ఆయాకర్మముఁ బొంది బుద్ధు లెప్పుడు వేరు కొందరు స్వర్గము గోరి సుఖింతురు కొందరు నరకానఁ గూలుదురు	॥కామ॥
దేవుఁ డిందరికి దిక్కై యుండును భావాభావమే బహువిధము దేవత లమృతాధీనమై మనిరి తోవనె దనుజులు దురిత మందిరి	॥కామ॥
పుట్టు గందరికి పొంచి కలిగినదె దట్టపుమనసులే తమకొలఁది యిట్టే శ్రీవేంకటేశుఁడు సేసిన యట్లౌ నాతఁడు అదివో యెదుట	॥కామ॥