ఆంధ్రభారతి - తాళ్లపాక అన్నమాచార్య కీర్తనలు - ఏ పురాణముల నెంత వెదకినా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 115-4
సంపుటము: 2-88

తాళ్లపాక అన్నమాచార్య

రాగము: గుండక్రియ

ఏ పురాణముల నెంత వెదకినా శ్రీపతిదాసులు చెడరెన్నఁడును	॥పల్లవి॥
హరివిరహితములు అవి గొన్నాళ్ళకు విరసంబులు మరి విఫలములు నరహరిఁ గొలిచిటు నమ్మిన వరములు నిరతము లెన్నఁడు నెలవులు చెడవు	॥ఏ పు॥
కమలాక్షుని మతిఁగానని చదువులు కుమతంబులు బహుకుపథములు జమళి నచ్యుతుని సమారాధనలు విమలములే కాని వితథముగావు	॥ఏ పు॥
శ్రీవల్లభుగతిఁ జేరని పదవులు దావతులు కపటధర్మములు శ్రీవేంకటపతి సేవించు సేవలు పావనము లధికభాగ్యపు సిరులు	॥ఏ పు॥