ఆంధ్రభారతి - తాళ్లపాక అన్నమాచార్య కీర్తనలు - ఏలోకమందున్నా నేమి లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 115-5
సంపుటము: 2-89

తాళ్లపాక అన్నమాచార్య

రాగము: ముఖారి

ఏలోకమందున్నా నేమి లేదు తాలిమి నందుకుఁ దగ్గ దావతే కాని	॥పల్లవి॥
సురల కసురలకు సూడునుఁ బాడునే కాని పొరసి సుఖించఁగఁ బొద్దు లేదు ధరలో ఋషులకు తపము సేయనే కాని మరిగి భోగించఁగ మరి పొద్దు లేదు	॥ఏలో॥
గక్కన సిద్ధులకైనా గంతయు బొంతయే కాని చిక్కి పరుసము గలిగి సెలవు లేదు రెక్కలుగల పక్షికి రేసుతిమ్మటలే కాని చక్క వైకుంఠాన కెగయ సత్తువ లేదు	॥ఏలో॥
సకల జంతువులకు జన్మాదులే కాని అకటా నిత్యానంద మందలేదు వెకలి శ్రీవేంకటేశువిష్ణుదాసులకే మంచి- సుకములెల్లాఁ గలవు సుడివడలేదు	॥ఏలో॥