ఆంధ్రభారతి - తాళ్లపాక అన్నమాచార్య కీర్తనలు - విఱిగిరి దానవవీరు లదె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 116-1
సంపుటము: 2-91

తాళ్లపాక అన్నమాచార్య

రాగము: సాళంగనాట

విఱిగిరి దానవవీరు లదె అఱిముఱి దేవత లాడేరదె	॥పల్లవి॥
పరగుకంభ మదె పగిలె పగిలె నదె హరినరసింహంబాయ నదె గరుడధ్వజ మదె ఘనచక్రం బదె మొరసేటి శంకపుమ్రోత లవె	॥విఱి॥
వెడలె వెడలె నదె వెనుకొని హిరణ్యుఁ దొడికిపట్టె నదె తొడమీఁద విడువక చించిన వేయిచేతులవె కడపమీఁదనే కదలఁడదె	॥విఱి॥
అదె వామాంకంబందు లక్ష్మి యదె కదిసి శాంతమదే కరుణ యదె వుదుటున ప్రహ్లాదు నూరడించె నదె యిదె శ్రీవేంకటమెక్కె నదె	॥విఱి॥