ఆంధ్రభారతి - తాళ్లపాక అన్నమాచార్య కీర్తనలు - దేవశిఖామణి దివిజులు వొగడఁగ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 116-3
సంపుటము: 2-93

తాళ్లపాక అన్నమాచార్య

రాగము: నాట

దేవశిఖామణి దివిజులు వొగడఁగ వేవేలు గతులు వెలసీ వాఁడే	॥పల్లవి॥
వీదుల వీదుల వెసఁ దురగముపై భేదిల బల్లెము బిరబిరఁ దిప్పుచు మోదముతోడుత మోహనమూరితి యే దెసచూచిన నేఁగీ వాఁడే	॥దేవ॥
కన్నులు దిప్పుచు కర్ణములు గదల సన్నల రాగెకు చౌకళింపుచును అన్నిటఁ దేజి యాడఁగ దేవుఁడు తిన్నఁగ వాగేలు దిప్పీ వాఁడే	॥దేవ॥
వలగొనఁ దిరుగుచు వాలము విసరుచు నిలిచి గుఱ్ఱ మటు నేర్పులు చూపఁగ బలుశ్రీవేంకటపతి యహోబలపుఁ బొలమున సారెకుఁ బొదలీ వాఁడే	॥దేవ॥