ఆంధ్రభారతి - తాళ్లపాక అన్నమాచార్య కీర్తనలు - ఇందరి బుద్ధులు యీశ్వరేచ్ఛకు సరిరావు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 116-4
సంపుటము: 2-94

తాళ్లపాక అన్నమాచార్య

రాగము: రామక్రియ

ఇందరి బుద్ధులు యీశ్వరేచ్ఛకు సరిరావు గొందినున్న మానుషము కొలువ దెంతైనా	॥పల్లవి॥
తనంతఁ దా నూరకున్న దైవమే తోడౌను కినిసి తాఁ బదిరితే కిందుమీఁదౌను తనుఁ దానే చేరె హరి దధివిభాండకునకు కొనకెక్కఁ బోయి నీవి కొంచపడెఁ దొల్లి	॥ఇంద॥
వొక్కటివాఁడు దానైతే వున్నచోనే మేలు చేరు పెక్కుబుద్ధులఁ బోతేను పిరివీకౌను పక్కన నంబరీషుఁడు పట్టిన వ్రతాన గెల్చె దిక్కులెల్లా దుర్వాసు తిరిగి బడలెను	॥ఇంద॥
శ్రీవేంకటేశ్వరు చేతిలోవీ జగములు భావించిఁ యాతడు నడపక మానఁడు వావిరి నిదెఱఁగక వట్టియలమటఁ బడి జీవులేల బడలేరు చింత లిట్టె పాయరో	॥ఇంద॥