ఆంధ్రభారతి - తాళ్లపాక అన్నమాచార్య కీర్తనలు - ఎంత వాటువడె నీశ్వరుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 116-5
సంపుటము: 2-95

తాళ్లపాక అన్నమాచార్య

రాగము: శ్రీరాగం

ఎంత వాటువడె నీశ్వరుఁడు జంతువుల కేది సతమోకాని	॥పల్లవి॥
వోముచు లోలో నొకదేహమునకె యేమి రచించెను యీశ్వరుఁడు కామించి మోక్షసుఖమునకునైతే వోమిన స్రిష్టులు వొకటీఁ గావు	॥ఎంత॥
భోగించ బుట్టిన భూతకోట్లను యేగతి మోఁచీ నీశ్వరుఁడు చేగదేర తనసేవకుఁ జొచ్చిన- యోగము సులభం బొకటొకటికిని	॥ఎంత॥
పన్నిన జగములు ప్రాణాధారము యెన్నిట నున్నాఁ డీశ్వరుఁడు కన్నుల శ్రీవేంకటపతియని కని వున్నవేళ తమ వునికే సుఖము	॥ఎంత॥