ఆంధ్రభారతి - తాళ్లపాక అన్నమాచార్య కీర్తనలు - ఇట్టిజీవుల కింక నేది వాటి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 117-1
సంపుటము: 2-97

తాళ్లపాక అన్నమాచార్య

రాగము: రామక్రియ

ఇట్టిజీవుల కింక నేది వాటి దట్టమై దేవుఁడ నీవే దయఁజూతు గాకా	॥పల్లవి॥
తనజన్మవిదు(ధు )లనుఁ దలఁచు నొక్కొకవేళ వొనర మఱచునట్టె వొక్కొకవేళ వినుఁ బురాణకథలు వివరించి యొకవేళ పెనచి సందేహములె పెంచు నొకవేళ	॥ఇట్టి॥
విసిగి సంసారమందు విరతుఁడౌ నొకవేళ వొఁసగి యందె మత్తుఁడౌ నొకవేళ పసిగొని యింద్రియాల బంటై వుండు నొకవేళ ముసిపితో దైవానకు మొక్కు నొక్కవేళ	॥ఇట్టి॥
కోరి తపములు చేసి గుణియౌ తా నొకవేళ వూరకే అలసి వుండు నొక్కవేళ యీరీతి శ్రీవేంకటేశ యెదలో నీవుండఁగాను బీరాన నీకే మొఱవెట్టు నొకవేళ	॥ఇట్టి॥