ఆంధ్రభారతి - తాళ్లపాక అన్నమాచార్య కీర్తనలు - భోగసహాయులె పొరుగెల్లా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 117-3
సంపుటము: 2-99

తాళ్లపాక అన్నమాచార్య

రాగము: పాడి

భోగసహాయులె పొరుగెల్లా ఆగమవిదు(ధు)లును ననంతములు	॥పల్లవి॥
కులమునఁ జుట్టాలు కోటాఁనగోట్లు కలిమిలేమి కొక్కఁడనే గుఱి పలులంపటముల ప్రజలే యిందరు నిలిచిన చోటికి నే నొక్కఁడనే	॥భోగ॥
చెట్టడిచిన నిదె చేటఁడు పండ్లు గుట్టు దెలుసుకొన గురి నేను వొట్టుక సంసార మూరల్లా నిదె పుట్టినప్పటికి భువి నొక్కఁడనే	॥భోగ॥
చనవుమనవులకు జగమెల్లా నిదె కొనకు మొదలికిని గురి నేను యెనయుచు శ్రీవేంకటేశుఁ డేలెఁ గన నినుపుగమికాఁడ నే నొక్కఁడనే	॥భోగ॥