ఆంధ్రభారతి - తాళ్లపాక అన్నమాచార్య కీర్తనలు - కోరి మాభుజముల డాగులు మోచుకున్నారము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 117-5
సంపుటము: 2-101

తాళ్లపాక అన్నమాచార్య

రాగము: మలహరి

కోరి మాభుజముల డాగులు మోచుకున్నారము ధారుణిలోపల మమ్ము దయఁజూచుఁ గాక	॥పల్లవి॥
సతతము హరిచేతి శంఖచక్రములే గతియై మాపాలనుండి కాచుఁ గాక అతిరయమైనట్టిఅచ్యుతుని ఆయుధాలే హితవుగ మమ్ము నిట్టె యేలుఁ గాక	॥కోరి॥
కమలాపతిచేతుల గదాపద్మములు మమకారముతో మము మన్నించుఁ గాక సమరవిజయమైన శార్ఙ్గాదిశరములు తమితోడ మాకు దాపుదండై వుండుఁ గాక	॥కోరి॥
ముంచి శ్రీవేంకటేశుఁడు మొలఁగట్టిన కఠారు అంచెల మాకెల్ల రక్షై అమరుఁ గాక అంచ నీతని కైదువులమరిన హస్తములు పంచల మాకిట్టే వజ్రపంజరా లవుఁ గాక	॥కోరి॥