ఆంధ్రభారతి - తాళ్లపాక అన్నమాచార్య కీర్తనలు - ఎన్నఁడొకో బుద్ధెరిఁగి యీడేరేది జంతువుల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 117-6
సంపుటము: 2-102

తాళ్లపాక అన్నమాచార్య

రాగము: లలిత

ఎన్నఁడొకో బుద్ధెరిఁగి యీడేరేది జంతువుల యిన్నిటా నీమహిమలు యెదిరించి వున్నవి	॥పల్లవి॥
కావించి నీపాదతీర్థగంగ ప్రవాహమైనది పావనులై యిందరిని బ్రదుకుమని లావుగా నీప్రసాదతులసి నారువోశున్నది వేవేలు పాతకాలెల్ల విదళించుమనుచు	॥ఎన్నఁ॥
చింతల నీమూర్తులు శిలాశాసనాలైనవి పంతముతోఁ గొలిచిట్టె బ్రదుకుమని బంతినే నీనామములు ప్రతిధ్వనులై వున్నవి దొంతులైన భవముల తుద గనుమనుచు	॥ఎన్నఁ॥
అందరికి నీసేవలు హస్తగతాలై వున్నవి బందె దీర నీకు మ్రొక్కి బ్రదుకుమని అందపు శ్రీవేంకటేశ అంతరాత్మవై వున్నాఁడ- వెందు చూచిన విజ్ఞాన మింద కొండో యనుచు	॥ఎన్నఁ॥