ఆంధ్రభారతి - తాళ్లపాక అన్నమాచార్య కీర్తనలు - జీవునికి నిటు బుద్ధి చెప్పవయ్యా హరి నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 118-1
సంపుటము: 2-103

తాళ్లపాక అన్నమాచార్య

రాగము: దేసాళం

జీవునికి నిటు బుద్ధి చెప్పవయ్యా హరి నీవు కావక పోరాదు మాకుఁ గల యంతర్యామివి	॥పల్లవి॥
పైపై నెదురుకట్లఁ బంచదార వుండఁగాను చేపట్టి యడిగి తెచ్చి చేఁదు దిన్నట్లు పూపలైన చేతిలోనే పుణ్యములు వుండఁగాను పాపములు చవియంటాఁ బట్టబొయ్యీ జీవుఁడు	॥జీవు॥
యింటిలోనే నవరత్నా లెన్నియైనా నుండఁగాను కంటగించి గాజుఁబూస గట్టుకొన్నట్లు వెంటనే హరినామాలు వేయివేలై వుండఁగా జంట నితరమంత్రాలు జపియించీ జీవుఁడు	॥జీవు॥
చేసుకొన్న యిల్లాలు చేరువనే వుండఁగాను వేసరక వెలయాలి వెతకినట్లు మేసుల శ్రీవేంకటేశ మీదాస్యమే వుండఁగా వాసిఁ బరులఁ గొలువనే వడిఁ గోరీ జీవుఁడు	॥జీవు॥