ఆంధ్రభారతి - తాళ్లపాక అన్నమాచార్య కీర్తనలు - నిరుహేతుక దయానిధివి నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 118-4
సంపుటము: 2-106

తాళ్లపాక అన్నమాచార్య

రాగము: ముఖారి

నిరుహేతుక దయానిధివి నీవు కరుణించు నీకు నొక్కటి విన్నపము	॥పల్లవి॥
దేవా నీమహిమ తెలియ నెవ్వరివశ- మీవల నీవే గతెను టింతేకాక భావించలేరు నిన్ను బ్రహ్మాదులు సహితము నీవేడ నేనేడ నే నొక జంతువను	॥నిరు॥
చిత్తా హరి నాదిక్కు చేకొని యవలోకించవే యిత్తల సంసారవార్ధి యీఁదుచున్నాఁడ హత్తి చూచేవారేకాని అడ్డగించేవారు లేరు పొత్తుల నాధర్మము పుణ్యము నీచేతిది	॥నిరు॥
అవధారు శ్రీవేంకటాధీశ నాజన్మము కవిసి యింద్రియములఁ గట్టువడ్డాఁడ జవళి నీపాదములే శరణము చొచ్చినాఁడ తవిలి నీచిత్తమింతే తరవాత నిఁకను	॥నిరు॥