ఆంధ్రభారతి - తాళ్లపాక అన్నమాచార్య కీర్తనలు - శ్రీవేంకటేశ్వరుఁడు చేరి విజయముఁ బొంది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 118-5
సంపుటము: 2-107

తాళ్లపాక అన్నమాచార్య

రాగము: బౌళి

శ్రీవేంకటేశ్వరుఁడు చేరి విజయముఁ బొంది దేవతలు చూడ దశదిక్కులకు నేసెను	॥పల్లవి॥
అరికమ్ము వేసెనట్టె అల్లనరకాసురుపై మేరమీరి రావణునిమీఁద నేసెను సారపుజలధిమీఁద జలములింకఁగ నేసె దారి దప్పకుండ నేడుదాళ్లు దెగనేసె	॥శ్రీవేం॥
పగదీర మింటిమీఁది బాణునిమీఁద నేసె మిగుల మెరసి మాయమృగము నేసె జగములో రాక్షసుల సంహరముగ నేసె నిగిడి రక్తగుండాలు నిండ నేసెను	॥శ్రీవేం॥
ఖరదూషణాదుల కడిఖండలుగ నేసె సరుసఁ గుంభకర్ణునిఁ జావనేసెను అరిది శ్రీవేంకటేశుఁ డలమేలుమంగఁ గూడి గరుడనిమీఁద నెక్కి కంటువాయ నేసెను	॥శ్రీవేం॥