ఆంధ్రభారతి - తాళ్లపాక అన్నమాచార్య కీర్తనలు - ఆర్పులు బొబ్బలు నవె వినుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 118-6
సంపుటము: 2-108

తాళ్లపాక అన్నమాచార్య

రాగము: బౌళి

ఆర్పులు బొబ్బలు నవె వినుఁడు యేర్పడ నసురల నిటువలె గెలిచే	॥పల్లవి॥
కూలిన తలలును గుఱ్ఱపు డొక్కలు నేలపైఁ బారిన నెత్తురులు వోలిఁ జూడుఁ డిదె వుద్ధగళలీ రణ- కేలిని విష్వక్సేనుఁడు గెలిచె	॥ఆర్పు॥
పడిన రథంబులు బాహుదండములు కెడసిన గజములు గొడగులును అడియాలము లివె అక్కడ విక్కడ చిడుముడి విష్వక్సేనుఁడు గెలిచె	॥ఆర్పు॥
పగుల పగుల వృషభాసురునిఁ జంపె పగ నీఁగె అతని బలములతో అగపడి శ్రీవేంకటాధిపు పంపున జిగిగల విష్వక్సేనుఁడు గెలిచె	॥ఆర్పు॥