ఆంధ్రభారతి - తాళ్లపాక అన్నమాచార్య కీర్తనలు - అహోబలేశ్వరుఁ డరికులదమనుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 119-4
సంపుటము: 2-112

తాళ్లపాక అన్నమాచార్య

రాగము: నాట

అహోబలేశ్వరుఁ డరికులదమనుఁడు మహామహిమలను మలసీ వాఁడే	॥పల్లవి॥
కదలుఁ గన్నులును కరాళవదనము గుదిగొను భయదపుఁ గోరలును అదరు మీసములు నలరఁగ నవ్వుచు వుదుటు తోడఁ గొలువున్నాఁడు వాఁడె	॥అహో॥
అతిసిత నఖములు ననంత భుజములు వితతపరాక్రమ వేషమును అతులదీర్ఘజిహ్వయుఁ గడు మెరయఁగ మితిలేని కరుణ మెరసీ వాఁడే	॥అహో॥
సందడి సొమ్ములు శంఖచక్రములు పొందుగ దివిజులు పొగడగను యిందిరఁ దొడపై నిడి శ్రీవేంకట- మందు నిందు గడుఁ నలరీ వాడే	॥అహో॥