ఆంధ్రభారతి - తాళ్లపాక అన్నమాచార్య కీర్తనలు - సిరిఁ దొడపై నిడి శ్రీనరసింహుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 119-5
సంపుటము: 2-113

తాళ్లపాక అన్నమాచార్య

రాగము: సాళంగనాట

సిరిఁ దొడపై నిడి శ్రీనరసింహుఁడు యిరవుగ వరములనిచ్చీని వాడే	॥పల్లవి॥
ఘనమగు కోరలు కరాళవదనము చెనకుచు గొడసెటి జిహ్వయును నినిపుఁ గటమరలు నిటలలోచనము నొనరఁగ గొలువై యున్నాఁడు వాఁడే	॥సిరిఁ॥
చటులచక్రకరంబును శార్ఙ్గరంబుసు అటు వరదాభయహస్తములు పటుతరయోగపు పట్టబంధమును కటితటి జెలఁగఁగఁ గడఁగీ వాఁడే	॥సిరిఁ॥
పరపగు శేషుని పడగల నీడల అరుదగు రవిచంద్రాంకముల సిరులగద్దెపై శ్రీవేంకటేశుడు పరిపూర్ణుఁడై పరగీ వాఁడే	॥సిరిఁ॥