ఆంధ్రభారతి - తాళ్లపాక అన్నమాచార్య కీర్తనలు - నిర్మలులు వీరు నిత్యసుఖులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 119-6
సంపుటము: 2-114

తాళ్లపాక అన్నమాచార్య

రాగము: శ్రీరాగం

నిర్మలులు వీరు నిత్యసుఖులు కర్మదూరులు విష్ణుకైంకర్యపరులు	॥పల్లవి॥
పరమజ్ఞానసంపన్నులగువారికిని అరుదుగా దిచటి మహదైశ్వర్యము హరికృపాధనము చేనబ్బిన మహాత్ములకు సరకుగాకుండు పంచల నిధానములు	॥నిర్మ॥
బలిమిని వేదాంతపట్టభద్రులకు నిల బలురాజ్యపదవు లిరుగడబంట్లు లలిమీరి హరిచక్రలాంఛనపు శూరులకు యెలమి విజయములెల్ల నింటిలో నుండు	॥నిర్మ॥
యీవలను శ్రీవేంకటేశు శరణాగతుల- కావటించిన పుణ్య మడువుగాదు దైవజ్ఞులయిన యాధర్మస్వరూపులకు వేవేలు భోగములు వెనుతగులుచుండు	॥నిర్మ॥