ఆంధ్రభారతి - తాళ్లపాక అన్నమాచార్య కీర్తనలు - చీచీ వో జీవుఁడా చింతించుకో జీవుఁడా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 120-1
సంపుటము: 2-115

తాళ్లపాక అన్నమాచార్య

రాగము: శంకరాభరణం

చీచీ వో జీవుఁడా చింతించుకో జీవుఁడా ఆచందాన కీచందము అరుహమా జీవుఁడా	॥పల్లవి॥
వుత్తముఁడయిన హరి వుండేటి యాతుమలోన తత్తరపుఁ గాంతలను తలపోసేదా వొత్తి నారాయణనామ ముచ్చరించే నోరను రుత్త యధరపుఁదోలు రుచిగొనేదా	॥చీచీ॥
పొందుగాఁ గోవిందునిఁ బూజించేటి చేతులను సందడిఁ జన్నులమీఁద జాఁచబొయ్యేదా కందువ దేవునిరూపు కనుఁగొనే చూపులు ముందరి మర్మపుటంగములమీఁదఁ బెట్టేదా	॥చీచీ॥
వేవేలు విష్ణుకథలు వినియేటి చెవులను ఆవటించి యాడసుద్దులాలకించేదా శ్రీవేంకటేశ్వరుని సేవించే యీజీవనము భావించక విషయాల పాలు సేసేదా	॥చీచీ॥