ఆంధ్రభారతి - తాళ్లపాక అన్నమాచార్య కీర్తనలు - అప్పుడు చూచేదివో అధికుల నధముల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 120-3
సంపుటము: 2-117

తాళ్లపాక అన్నమాచార్య

రాగము: భూపాళం

అప్పుడు చూచేదివో అధికుల నధముల తప్పక యెచ్చరి యిదే తలఁచవో మనసా	॥పల్లవి॥
కొండలవంటి పనులు కోరి ముంచుకుంటే నూర- కుండి కైకొననివాఁడే యోగీంద్రుఁడు నిండిన కోపములకు నెపముల గలిగితే దండితోఁ గలఁగని యాతఁడే ధీరుఁడు	॥అప్పు॥
సూదులవంటి మాటలు సొరిదిఁ జెవి సోఁకితే వాదులు వెట్టుకొననివాఁడే దేవుఁడు పాదుకొన్న సంసారబంధము నోరూరించితే ఆదిగొని మత్తుఁడు గానెట్టివాఁడే పుణ్యుఁడు	॥అప్పు॥
గాలాలవంటి యాసలు కడుఁ దగిలి తీసితే తాలిమితోఁ గదలనాతఁడే ఘనుఁడు మేలిమి శ్రీవేంకటేశుమీఁద భారము వేసుక వీలక తనలో విఱ్ఱవీఁగువాఁడే నిత్యుఁడు	॥అప్పు॥