ఆంధ్రభారతి - తాళ్లపాక అన్నమాచార్య కీర్తనలు - కలిదోషములాల కడు నేల మీరేరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 120-5
సంపుటము: 2-119

తాళ్లపాక అన్నమాచార్య

రాగము: ఆహిరి

కలిదోషములాల కడు నేల మీరేరు యిలధరుఁ డుండగాను యిఁకనేఁటి సుద్దులు	॥పల్లవి॥
జగములేలెడువాఁడు సర్వాంతరాత్ముఁడు జిగి నింక నీకీబుద్ధి చెప్పనోపఁడా నిగిడి పుట్టించేటివాఁడు నిండుక వుండేటివాఁడు తెగని కర్మములెల్ల తిద్దకేల మానును	॥కలి॥
దనుజులఁ గొట్టేవాఁడు ధర్మము నిలిపేవాఁడు పనిగొన్న దురితాలు పాపనేరఁడా కొనమొదలైనవాఁడు గురి దానైనవాడు వునికి మనికి సేయకూరకుండీనా	॥కలి॥
స్వతంత్రుడైనవాఁడు స్వామియైనవాఁడు గతియై దాసులనెల్లఁ గానకుండీనా యితఁడే శ్రీవేంకటేశుఁ డిందిరాపతైనవాఁడు సతతము మాకు నిట్టే సంపద లొసఁగఁడా	॥కలి॥