ఆంధ్రభారతి - తాళ్లపాక అన్నమాచార్య కీర్తనలు - వాదమేల సారెసారె వడి ముక్తి లేదంటా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 120-6
సంపుటము: 2-120

తాళ్లపాక అన్నమాచార్య

రాగము: దేసాళం

వాదమేల సారెసారె వడి ముక్తి లేదంటా వేదాంతశ్రవణము వెట్టికిఁ జేసిరా	॥పల్లవి॥
అరయ జీవులకెల్లా నభేదమైతే గురుఁడు శిష్యులు లేఁడు కూడ దర్థము సొరిది నాతుమలోన సోహంభావనయైతే సరి మునుల దేవపూజలు చెల్లవు	॥వాద॥
సహజలీలావిభూతి సర్వము మిథ్య యైతే బహుయాగాది కర్మాల పస లేదు మహిలోని జననాలు మరణాలు మాయమైతే విహితాచారాలు సేయ విధే లేదు	॥వాద॥
ఘటన బ్రహ్మము నిరాకార మైతేఁ బఠియింప యిటు పురుషసూక్తాదు లివి మరేల అటు శ్రీవేంకటేశుదాస్యము లేక బిగిసితే సటలాడుకొనేడి రాక్షసమత మవును	॥వాద॥