ఆంధ్రభారతి - తాళ్లపాక అన్నమాచార్య కీర్తనలు - ఏ దుపాయము యే నిన్నుఁ జేరుటకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 131-2
సంపుటము: 2-122

తాళ్లపాక అన్నమాచార్య

రాగము: ముఖారి

ఏ దుపాయము యే నిన్నుఁ జేరుటకు ఆదినంత్యములేని ‌అచ్యుతమూరితివి	॥పల్లవి॥
వెలయ నీగుణములు వినుతించేనంటే తెలియ నీవు గుణాతీతుఁడవు చెలరేఁగి నిను మతిఁ జింతించేనంటే మలసి నీ వచింత్య మహిముఁడవు	॥ఏదు॥
పొదిగి చేతుల నిన్నుఁ బూజించేనంటే కదిసి నీవు విశ్వకాయుఁడవు అదన నేమైన సమర్పించేనంటే సదరమై అవాప్త సకలకాముఁడవు	॥ఏదు॥
కన్నుల చేత నిన్నుఁ గనుఁగొనేనంటే సన్నిధి దొరక నగోచరుఁడవు యిన్నిటాను శ్రీవేంకటేశ నీవు గలవని వన్నెల శరణనే వాక్యమే చాలు	॥ఏదు॥