ఆంధ్రభారతి - తాళ్లపాక అన్నమాచార్య కీర్తనలు - వేఱొక భావనలేల వీనితోఁ బెనఁగనేల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 131-3
సంపుటము: 2-123

తాళ్లపాక అన్నమాచార్య

రాగము: పాడి

వేఱొక భావనలేల వీనితోఁ బెనఁగనేల తూఱినందే హరిఁ గూర్చి తుదగంట గాక	॥పల్లవి॥
చూచే కన్నుల నేమిఁ జూడకుండవచ్చునా చూచినందెల్లా హరిఁ జూచుట గాక వేచిన వీనుల నేమీ వినకుండవచ్చునా కాచి యవే హరికథగా వింట గాక	॥వేఱొ॥
కోరేటి చవుల జిహ్వ గోరకుండవచ్చునా కోరిన చవుల హరిఁ గూర్చుట గాక ఆరీతి బారే మనసు అడఁచఁగవచ్చునా ఆరితేరి అన్నిటాను హరిఁ గంట గాక	॥వేఱొ॥
వొడలు మోచిన దేహి వోమకుండవచ్చునా వోడలు శ్రీహరిదనే వోముట గాక బడినే శ్రీవేంకటేశుఁ బాసివుండవచ్చునా యెడయ కందె సుఖియించుట గాక	॥వేఱొ॥