ఆంధ్రభారతి - తాళ్లపాక అన్నమాచార్య కీర్తనలు - నానామార్గముల నాఁటుకొను నొకయోగి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 131-5
సంపుటము: 2-125

తాళ్లపాక అన్నమాచార్య

రాగము: బౌళి

నానామార్గముల నాఁటుకొను నొకయోగి మానిమీఁది తపసి సామన్యుఁ డాయోగి	॥పల్లవి॥
పున్నమనమాసఁ గూడఁ బొదిగీ నొక్కొకయోగి కన్నులచూపులు సరిగాఁ దూఁచు నొకయోగి మిన్నునూయి చేఁతాటఁ జేఁది మెచ్చు మింగు నొకయోగి వెన్న సన్నముగ నూరి వీఁగు నొకయోగి	॥నానా॥
గాలి ముడియగఁ గట్టి కలుగుడిగట్టు యోగి నాలిమింటివిత్తు వెట్టి నగు నొకయోగి మూలనిధానము గని ముందు గానఁ డొకయోగి నేల దలకిందు సేసి నిక్కు నొకయోగి	॥నానా॥
గతజలములకెల్లఁ గట్టగట్టు నొకయోగి తతిఁ బూవులమాటల దడిగట్టు యోగి యితవైన శ్రీవేంకటేశుని మఱఁగు చొచ్చి గతిగనే నాతఁ డొక్కడే యోగి	॥నానా॥