ఆంధ్రభారతి - తాళ్లపాక అన్నమాచార్య కీర్తనలు - హరిహరి నీమాయాజగమిది అండనే చూచుచు నవ్వుచును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 132-1
సంపుటము: 2-127

తాళ్లపాక అన్నమాచార్య

రాగము: గుండక్రియ

హరిహరి నీమాయాజగమిది అండనే చూచుచు నవ్వుచును అరసి యందులో నిను భావించేటి ‌ఆత్మభావమిది యెన్నఁడొకో	॥పల్లవి॥
సకలోద్యోగంబులు మాని సకలోపాయంబులు విడిచి సకలేంద్రయముల జాలటు మాని సకలవిషయముల రహితుఁడై సకలముఁ దనవలె భావించి సర్వాంతరాత్మవు నినుఁ దెలిసి అకలంకంబున నుండెడి భావంబది యిఁక నెన్నఁడొకో	॥హరి॥
ఘనమగు కోర్కులఁ జాలించి ఘనకోపంబు నివారించి ఘనకాముకత్వముల నటు దనిసి ఘనమగు నాసలఁ దొలఁగించి ఘనముఁ గొంచముల నినుఁ దలఁచి ఘనాఘనుఁడవు నీవనుచు అనుమానము లటు సుఖియించే దది యిఁక నెన్న డొకో	॥హరి॥
పరచింతలలోఁ దడఁబడక పరమార్గంబుల కగపడక పరహింసలకును యెన్నఁడు జొరక పరదూషణలకు నెడగిలిసి పరదేవుఁడ శ్రీవేంకటభూధరపతి నీకే శరణనుచు అరమరపుల నేఁ జొక్కితి తనిసేదది యిఁక నెన్నఁడొకో	॥హరి॥