ఆంధ్రభారతి - తాళ్లపాక అన్నమాచార్య కీర్తనలు - నీవు సర్వసముడఁవు నీవు దేవదేవుఁడవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 132-3
సంపుటము: 2-129

తాళ్లపాక అన్నమాచార్య

రాగము: శంకరాభరణం

నీవు సర్వసముడఁవు నీవు దేవదేవుఁడవు ఈవల నాగుణదోషాలెంచ నిఁక నేలా	॥పల్లవి॥
పూవులపైఁ గాసీఁ బొరి ముండ్లపైఁ గాసీని ఆవల వెన్నెలకేమి హానివచ్చీనా పావనుల నటు గాచి పాపపుంజమైన నన్నుఁ గావఁగా నీకృపకునుఁ గడమయ్యీనా	॥నీవు॥
గోపుమీఁద విసరీఁ గుక్కమీఁద విసరీని పావనపు గాలికిని పాపమంటీనా దేవతల రక్షించి దీనుఁడనైన నాకుఁ దోవచూపి రక్షించితే దోసమయ్యీనా	॥నీవు॥
కులజుని యింటనుండీ కులహీనుని యింటనుండీ యిలలో నెండకు నేమి హీనమయ్యీనా వలసి శ్రీవేంకటాద్రి వరములు యిచ్చి నాలో నిలిచి వరములిచ్చి నేఁడు గావవే	॥నీవు॥