ఆంధ్రభారతి - తాళ్లపాక అన్నమాచార్య కీర్తనలు - సర్వోపాయముల జగతి నాకితఁడే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 133-1
సంపుటము: 2-132

తాళ్లపాక అన్నమాచార్య

రాగము: మలహరి

సర్వోపాయముల జగతి నాకితఁడే వుర్వీధరుఁడు పురుషోత్తముం డితఁడే	॥పల్లవి॥
సకలగంగాది తీర్థస్నానఫలము లివి స్వామిపుష్కరణి జలమే నాకు సకలపుణ్యక్షేత్రావాసయాత్ర లివి సరి వేంకటాచలవిహార మిదియే సకలవేదాధ్యయనశాస్త్రపాఠంబు లివి శౌరిసంకీర్తనం బిదియే నాకు సకలకర్మానుష్ఠానముల యితని కిచ్చటఁ జాతుపడి కైంకర్య మిదియే	॥సర్వో॥
ఉపవాసతపములివి యితని ప్రసాదంబులొగి భుజింపుటే నాదు దినదినంబు జపరహస్యోపదేశంబు లితనిపాదజలంబులు శరణనేటి సేవ యొకటే ఉపమింపఁ బుణ్యపురుషుల దర్శనము నాకు నొగి నిచటి బహువృక్షదర్శనంబు యెపుడుఁ బుణ్యకథాశ్రవణంబు లిచ్చోటి యెన్నఁగల బహుపక్షికలకలంబు	॥సర్వో॥
తలఁపుగల యోగంబులందు శ్రీవైష్ణవులఁ దగులు సంవాససహయోగంబు వెలయ నిండుమహోత్సవంబులిన్నియు నితనివిభవంబులెసఁగు తిరునాళ్ళు నాకు చెలఁగి యిటు దేవతాప్రార్థనింతయు నాకు శ్రీవేంకటేశ్వరుని శరణాగతి అలరు నాసంపదలు యితని పట్టపురాణి అలమేలుమంగ కడకంటిచూపు	॥సర్వో॥