ఆంధ్రభారతి - తాళ్లపాక అన్నమాచార్య కీర్తనలు - షోడశకళానిధికి షోడశోపచారములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 133-3
సంపుటము: 2-134

తాళ్లపాక అన్నమాచార్య

రాగము: లలిత

షోడశకళానిధికి షోడశోపచారములు జాడతోడ నిచ్చలును సమర్పయామి	॥పల్లవి॥
అలరు విశ్వాత్ముకున కావాహన మిదె పర్వ- నిలయున కాసనము నెమ్మి నిదె అల గంగాజనకున కర్ఘ్యపాద్యాచమనాలు జలధిశాయికిని మజ్జన మిదె	॥షోడ॥
వర పీతాంబరునకు వస్త్రాలంకార మిదె సరి శ్రీమంతునకు భూషణము లివె ధరణీధరునకు గంధపుష్ప ధూపములు తిర మిదె కోటిసూర్యతేజునకు దీపము(???)	॥షోడ॥
అమృతమథనునకు నదివో నైవేద్యము గమిఁ జంద్రనేత్రునకుఁ గప్రవిడెము అమరిన శ్రీవేంకటాద్రిమీఁది దేవునికి తమితోఁ బ్రదక్షిణాలు దండములు నివిగో	॥షోడ॥