అధ్యాత్మ సంకీర్తన
రేకు: 133-5
సంపుటము: 2-136
రేకు: 133-5
సంపుటము: 2-136
తాళ్లపాక అన్నమాచార్య
రాగము: శుద్ధవసంతం
| పరమాత్ముఁ డొక్కఁడే పరమపావనుఁడు గన పరిపూర్ణుఁడనెడి యీభావమే చాలు | ॥పల్లవి॥ |
| హేయ మిందే దుపాధేయ మిందేది బాయిటనే హరి సర్వపరిపూర్ణుఁడు నేయునెడ గుణభావజీవకల్పనము లివి రోయఁజూచినఁ దనదు కాయమే రోఁత | ॥పర॥ |
| జాతి యిందే దంత్యజాతి యిందేది జాతులన్నిటా నాత్మ సర్వేశుఁడు ఆతలను అంటుముట్టనెడి భావనలెల్ల బాఁతిపడి యెఱఁగనోపని వెలితే తనది | ॥పర॥ |
| తెలివిగలదాఁకాఁ దెగని మఱఁగు లివి తెలిసినంతటిమీఁదఁ దీరు సంశయము యిలలోన శ్రీవేంకటేశ్వరుని కరుణచే వెలసి యీజ్ఞానంబు విడువకు మనసా | ॥పర॥ |