ఆంధ్రభారతి - తాళ్లపాక అన్నమాచార్య కీర్తనలు - నిన్నూ నన్నూ నెంచుకోని నేరమి గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 134-3
సంపుటము: 2-139

తాళ్లపాక అన్నమాచార్య

రాగము: గుండక్రియ

నిన్నూ నన్నూ నెంచుకోని నేరమి గాక పన్నిన సూర్యునికాంతి ప్రతిసూర్యుడౌనా	॥పల్లవి॥
జలధిలోపలి మీను జలధి దా నౌనా జలములాధారమైన జంతువు గాక నెలవై నీలోనివాడఁ నీవే నే నౌదునా పొలసి నీయ్యాధరువుబొమ్మ నింతే కాక	॥నిన్నూ॥
రాజువద్దనున్న బంటు రాజే తా నౌనా రాజసపు చనవరి రచనే కాక సాజమై నిన్నుఁ గొలిచి సరిగద్దె నుందునా వోజతో నిన్ను సేవించి వుందునింతే కాక	॥నిన్నూ॥
ము త్తెపుఁజిప్పల నీరు మున్నీటివలె నుండునా ముత్తెములై బలిసి లో మొనపుఁ గాక నిత్తెపు శ్రీవేంకటేశ నీశరణాగతులము మొత్తపు లోకుల మాముక్తులము గాక	॥నిన్నూ॥