ఆంధ్రభారతి - తాళ్లపాక అన్నమాచార్య కీర్తనలు - బిరుదులన్నియు నీవే బిరుదు లోకములెల్ల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 135-1
సంపుటము: 2-142

తాళ్లపాక అన్నమాచార్య

రాగము: శ్రీరాగం

బిరుదులన్నియు నీవే బిరుదు లోకములెల్ల అరయ నీపాదమందె అణఁగుండెఁ గాన	॥పల్లవి॥
బహుదేవతాసార్వభౌమ బిరుదు నీకే సహజము నీవు భూసతిపతివి గాన వహి దేవతాచక్రవర్తి బిరుదు నీకే విహితము చక్రము చే వెలసేవు గాన	॥బిరు॥
పెను దేవశిఖామణి బిరుదు నీకే చెల్లు ఘన కౌస్తుభమణి గలవాఁడవు గాన మును దేవదేవోత్తముఁడను బిరుదు నీకే ననిచెఁ బురుషోత్తమనాముఁడవు గాన	॥బిరు॥
వొట్టుకొని దేవరాహుత్తరాయ బిరుదు నీదే కిట్టి రాతిగుఱ్ఱము నెక్కితివి గాన తిట్టమై శ్రీవేంకటేశదేవ సింహమవు నీవే అట్టె నారసింహుఁడవై అమరితి గాన	॥బిరు॥