ఆంధ్రభారతి - తాళ్లపాక అన్నమాచార్య కీర్తనలు - ఎందు నీకు బ్రియమో యీ తెప్పతిరుణాళ్ళు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 135-2
సంపుటము: 2-143

తాళ్లపాక అన్నమాచార్య

రాగము: లలిత

ఎందు నీకు బ్రియమో యీ తెప్పతిరుణాళ్ళు దిందువడె సిరులతో తెప్పతిరుణాళ్ళు	॥పల్లవి॥
పాలజలనిధిలోఁ బవ్వళించ పాముతెప్పఁ దేలుచున్న దది దెప్పదిరుణాళ్ళు వోలి నేకోదకమై వొక్క మఱ్ఱియాకుమీఁద తేలుచున్నదది తెప్పతిరుణాళ్ళు	॥ఎందు॥
అమృతము దచ్చునాఁడు అంబుధిలో మంధరము తెమలఁ దేలించు తెప్పతిరుణాళ్ళు యమునలో కాళింగునంగపుపడిగెమీఁద తిమిరి తొక్కిన తెప్పతిరుణాళ్ళు	॥ఎందు॥
అప్పుడు పదారువేలు అంగనల చెమటల- తెప్పలఁ దేలిన తెప్పతిరుణాళ్ళు వొప్పుగ శ్రీవేంకటాద్రి నున్నతిఁ గోనేటిలోన తెప్పిరిల్లె నేఁట నేఁట తెప్పతిరుణాళ్ళు	॥ఎందు॥