ఆంధ్రభారతి - తాళ్లపాక అన్నమాచార్య కీర్తనలు - ఏల మమ్ము గాసిసేసే రింకా మీరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 135-4
సంపుటము: 2-145

తాళ్లపాక అన్నమాచార్య

రాగము: రామక్రియ

ఏల మమ్ము గాసిసేసే రింకా మీరు కాలముతో నిలిచేను కైవల్యపదవి	॥పల్లవి॥
పాపములు హరినామపఠనచేఁ బాపుకొంటి కైపుగఁ జిత్రగుప్తుఁ డాకవిలె గట్టు కోపులఁ బుణ్యములెల్ల గోవిందుని కిచ్చితిమి పూఁపల స్వర్గము త్రోవ భుజవేయరో	॥ఏల॥
అతుమలో నజ్ఞాన మాచార్యుఁడే పాపె ఆతల జన్మాల వాకిలటు ముయ్యరో చేత హరిదాస్యమున జీవన్ముక్తుఁడనైతి జాతి యధర్మములాల సంబంధము విడరో	॥ఏల॥
పరమాత్ము చింతచేత బదుకు నిశ్చయమాయ ధరఁ గైవసము గావో తగుచిత్తమా యిరవైన శ్రీవేంకటేశుఁ డేలుకొనె మమ్ము పరదేవతలు మాకుఁ బనిలేదు మీరు	॥ఏల॥