ఆంధ్రభారతి - తాళ్లపాక అన్నమాచార్య కీర్తనలు - శ్రీపతి నీయాజ్ఞ సేసెద మిదివో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 135-6
సంపుటము: 2-147

తాళ్లపాక అన్నమాచార్య

రాగము: రామక్రియ

శ్రీపతి నీయాజ్ఞ సేసెద మిదివో పూఁపల మాయలఁ బొరలఁగనేలా	॥పల్లవి॥
కాయము సుఖదుఃఖములకు మూలము పాయము యింద్రియపరవశము ఆయము రెంటికి నన్నపానములు మోయని మోఁపిది ములుగఁగనేలా	॥శ్రీప॥
తలఁపు పుణ్యపాతకముల మూలము కలిగిన పుట్టువు కర్మగతి ఫల మిది రెంటికి బలుసంసారము కలిగిన వెట్టికి కాదననేలా	॥శ్రీప॥
జీవుఁ డింతటా సృష్టికి మూలము భావము బ్రకృతికిఁ బ్రపంచము చేవగ రెంటికి శ్రీవేంకటేశ్వర నీ వంతరాత్మవు నెమకఁగనేలా	॥శ్రీప॥