ఆంధ్రభారతి - తాళ్లపాక అన్నమాచార్య కీర్తనలు - జ్ఞానయజ్ఞ మీగతి మోక్షసాధనము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 136-1
సంపుటము: 2-148

తాళ్లపాక అన్నమాచార్య

రాగము: ధన్నాసి

జ్ఞానయజ్ఞ మీగతి మోక్షసాధనము నానార్థములు నిన్నే నడపె మాగురుఁడు	॥పల్లవి॥
అలరి దేహమనేటి యాగశాలలోన బలువై యజ్ఞానపు పశువు బంధించి కలసి వైరాగ్యపు కత్తులఁ గోసి కోసి వెలయ జ్ఞానాగ్నిలో వేలిచె మాగురుఁడు	॥జ్ఞాన॥
మొక్కుచు వైష్ణవులనే మునిసభ గూడపెట్టి చొక్కుచు శ్రీపాదతీర్థ సోమపానము నించి చక్కఁగా సంకీర్తనసామగానము చేసి యిక్కువతో యజ్ఞము సేయించెఁబో మాగురుఁడు	॥జ్ఞాన॥
తదియ్యగురుప్రసాదపు పురోడాశ మిచ్చి కొదదీర ద్వయమను కుండంబులు వెట్టి యెదలో శ్రీవేంకటేశు నిటు ప్రత్యక్షముచేసె యెదివో స్వరూపదీక్ష యిచ్చెను మాగురుడు	॥జ్ఞాన॥