ఆంధ్రభారతి - తాళ్లపాక అన్నమాచార్య కీర్తనలు - లావణ్యశృంగారరాయ లక్ష్మీనాథ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 136-2
సంపుటము: 2-149

తాళ్లపాక అన్నమాచార్య

రాగము: శ్రీరాగం

లావణ్యశృంగారరాయ లక్ష్మీనాథ యేవేళ నీవినోదాన కేదాయ నేమి	॥పల్లవి॥
పాలజలధివంటిది పవ్వళించు నామనసు గాలివూర్పులే కడళ్లు కలదు లోఁతు చాలఁగ దొల్లి నీవు సముద్రశాయివట యీలీల నీవినోదాన కేదాయ నేమి	॥లావ॥
నిక్కపుభూమివంటిది నెలవుకో నామనసు పెక్కులిన్నియుఁ గలవు పెరుగుచుండు పుక్కటఁ దొల్లియు నీవు భూసతిమగఁడవట యెక్కువ నీవినోదాన కేదాయ నేమి	॥లావ॥
నిండుఁగొండవంటి దిదె నిలుచుండు నాభక్తి వుండుచోటనేవుండు నొక్కచోటను కొండలరాయఁడవట కోరికె శ్రీవేంకటేశ అండ నీవినోదాన కేదియాయ నేమి	॥లావ॥