ఆంధ్రభారతి - తాళ్లపాక అన్నమాచార్య కీర్తనలు - మెచ్చు; మెచ్చకుంటే మాను; మించి నే నాడకమాన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 136-3
సంపుటము: 2-150

తాళ్లపాక అన్నమాచార్య

రాగము: రామక్రియ

మెచ్చు; మెచ్చకుంటే మాను; మించి నే నాడకమాన అచ్చపు నీసూత్రధారి నవధారు దేవ	॥పల్లవి॥
వొక్కఁడ నే జీవుఁడను వోహో హరీ పెక్కు బహురూపాలే పెంచి యాడితి తక్కిన యింద్రియములే తగుమేళము అక్కజపు విద్యవాఁడ నవధారు దేవ	॥మెచ్చు॥
సూటి నించుకంతవాఁడఁ జూడవే హరీ వీటి సంసారపుబారి విద్య లాడితి పాటి నాకర్మమే క్రియాభాషాంగము ఆటవాఁడ నింతే నేను అవధారు దేవ	॥మెచ్చు॥
చేరి చిత్తగించుమీ శ్రీవేంకటేశ నేఁడు మేరతో భక్తెనే మోకుమీఁద నాడేను యీరానిపదవులు యిచ్చితి నాకు ఆరితేరి గెలిచితి నవధారు దేవ	॥మెచ్చు॥