ఆంధ్రభారతి - తాళ్లపాక అన్నమాచార్య కీర్తనలు - దినము ద్వాదశి నేఁడు తీర్థదివసము నీకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 136-4
సంపుటము: 2-151

తాళ్లపాక అన్నమాచార్య

రాగము: శ్రీరాగం

దినము ద్వాదశి నేఁడు తీర్థదివసము నీకు జనకుఁడ అన్నమాచార్యుఁడ విచ్చేయవే	॥పల్లవి॥
అనంతగరుడ ముఖ్యులైన సూరిజనులతో ఘన నారదాది భాగవతులతో దనుజమర్దనుఁడైన దైవశిఖామణితోడ వెనుకొని యారగించ విచ్చేయవే	॥దిన॥
వైకుంఠాన నుండి యాళువారలలోపల నుండి లోకపు నిత్యముక్తులలోన నుండి శ్రీకాంతతోడనున్న శ్రీవేంకటేశుఁ గూడి యీకడ నారగించ నింటికి విచ్చేయవే	॥దిన॥
సంకీర్తనముతోడ సనకాదులెల్లఁ బాడ పొంకపు శ్రీవేంకటాద్రి భూమినుండి లంకె శ్రీవేంకటగిరి లక్ష్మీవిభుఁడు నీవు- నంకెల మాయింటి విందు లారగించవే	॥దిన॥
(ఈపాట అన్నమయ్య శ్రాద్ధ దినమును గూర్చివ్రాసినది గాన, అన్నమయ్యరచన కాదు. అన్నమయ్యకీర్తనలరేకులలో నిది పొరపాటున చేరియుండవచ్చు.)