ఆంధ్రభారతి - తాళ్లపాక అన్నమాచార్య కీర్తనలు - గుఱ్ఱాలఁ గట్టని తేరు కొంక కెందైనాఁ బారీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 136-5
సంపుటము: 2-152

తాళ్లపాక అన్నమాచార్య

రాగము: మాళవి

గుఱ్ఱాలఁ గట్టని తేరు కొంక కెందైనాఁ బారీ విఱ్ఱవీఁగుచుఁ దీసీని వేడుకతో జీవుఁడు	॥పల్లవి॥
సరి పిఱుఁదే రెండు జంటబండికండ్లు సరవితోఁ బాదాలు చాఁపునొగలు గరిమఁజూపులు రెండు గట్టిన పగ్గములు దొరయై దేహరథము దోలీఁబో జీవుఁడు	॥గుఱ్ఱా॥
పంచమహాభూతములు పంచవన్నెకోకలు పంచల చేతులు రెండు బలుటెక్కెలు మించైన శిరసే మీదనున్న శిఖరము పంచేంద్రియరథము పఱపీఁబో జీవుఁడు	॥గుఱ్ఱా॥
పాపపుణ్యములు రెండు పక్కనున్నచీలలు తోపుల యన్నపానాలు దొబ్బుఁదెడ్లు యేపున శ్రీవేంకటేశుఁ డెక్కి వీథుల నేఁగఁగ కాపాడి నరరథము గడపీఁబో జీవుఁడు	॥గుఱ్ఱా॥