ఆంధ్రభారతి - తాళ్లపాక అన్నమాచార్య కీర్తనలు - అనుచు దేవగంధర్వాదులు పలికేరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 137-1
సంపుటము: 2-154

తాళ్లపాక అన్నమాచార్య

రాగము: సాళంగనాట

అనుచు దేవగంధర్వాదులు పలికేరు కనకకశిపు నీవు ఖండించే వేళను	॥పల్లవి॥
నరసింహ నరసింహ ననుఁగావు ననుఁగావు హరి హరి నాకు నాకు నభయమీవే కరిరక్ష కరిరక్ష గతమైరి దనుజులు సురనాథ సురనాథ చూడు మమ్ముఁ గృపను	॥అను॥
దేవదేవ వాసుదేవ దిక్కు నీవే మాకు మాకు శ్రీవక్ష శ్రీవక్ష సేవకులము భూవనితనాథ నాథ పొడమె నీప్రతాపము పావన పావన మమ్ముఁ బాలించవే	॥అను॥
జయ జయ గోవింద శరణుచొచ్చేము నీకు భయహర భయహర పాప మడఁగె దయతో శ్రీవేంకటేశ తగిలి కాచితి మమ్ము దయఁజూడు దయఁజూడు దాసులము నేము	॥అను॥