ఆంధ్రభారతి - తాళ్లపాక అన్నమాచార్య కీర్తనలు - కటకటా కర్మమా కాలములో మర్మమా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 137-2
సంపుటము: 2-155

తాళ్లపాక అన్నమాచార్య

రాగము: లలిత

కటకటా కర్మమా కాలములో మర్మమా మటమాయైపోతివంటా మది నమ్మివుంటిఁగా	॥పల్లవి॥
పాపబుద్ధి యాడనుండె పాయము రానినాఁడు కోప మేడనుండె గర్భగోళమున నున్ననాఁడు దీపన మేడనుండె దేహధారి గానినాఁడు యేపున భూమిఁ బుట్టితే నేడనుండి వచ్చెనో	॥కట॥
నగుసంసార మెందుండె నరకాన నుండునాఁడు తగిలి మరణదెస ధనవాంఛ లెందుండె వొగి లోభ మేడనుండె వొంటినున్నవాఁడు వెగటై నేఁడెట్టు నన్ను వెదకి పైకొనెనో	॥కట॥
బహుబంధా లేడనుండె ప్రళయకాలమునాఁడు మహిఁ గోరికెలెందుండె మతి మఱచిననాఁడు యిహమున శ్రీవేంకటేశు శరణంటి నేఁడు విహితమై మాకు నెట్టు వెఱచెనో తాము	॥కట॥