ఆంధ్రభారతి - తాళ్లపాక అన్నమాచార్య కీర్తనలు - హరి నీ ప్రతాపమున కడ్డమేది లోకమున - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 137-3
సంపుటము: 2-156

తాళ్లపాక అన్నమాచార్య

రాగము: సామంతం

హరి నీ ప్రతాపమున కడ్డమేది లోకమున సరి వేరీ నీకు మరి సర్వేశ్వరా	॥పల్లవి॥
నీవు నీళ్ళు నమలితే నిండెను వేదములు యీవలఁ దలెత్తితేనే యింద్రపదవులు మించె మోవ మూఁతి గిరిపితే మూడులోకాలు నిలిచె మోవిఁ బార నవ్వితేనే ముగిసి రసురలు	॥హరి॥
గోర గీరితే నీరై కొండలెల్లఁ దెగఁబారె మారుకొంటే బయటనే మడుగులై నిలిచె చేరి యడుగువెట్టితే శిలకుఁ బ్రాణము వచ్చె కూరిమిఁ గావలెనంటే కొండ గొడగాయను	॥హరి॥
కొంగుజారినంతలోనే కూలెను త్రిపురములు కంగి గమనించితేనే కలిదోషములు మానె రంగుగ నీశరణంటే రక్షించితి దాసులను ముంగిట శ్రీవేంకటేశ మూలమవు నీవే	॥హరి॥