అధ్యాత్మ సంకీర్తన
రేకు: 137-5
సంపుటము: 2-158
రేకు: 137-5
సంపుటము: 2-158
తాళ్లపాక అన్నమాచార్య
రాగము: ధన్నాసి
| దైవమా నీవే మమ్ము దయదలఁచుట గాక చేవల నీ సేఁతలెల్ల చెల్లును లోకానను | ॥పల్లవి॥ |
| తీపు నంజేవేళ నట్టె తేటఁ బులుసింపౌను పైపైఁ బుణ్యమయితేఁ బాపమింపౌను వోపి జంతువుల కివి వొకటొకటికి లంకె చేపట్టి పాపము లెట్టు సేయకుండవచ్చును | ॥దైవ॥ |
| కడుఁ జలువై తేను గక్కన వేఁడింపౌను చెడని విరతివేళ సిరులింపౌను వొడలు మోచినవారి కొకటికటికి లంకె తొడరు భోగాలు మాని తోయ నెట్టువచ్చును | ॥దైవ॥ |
| యివియు నీమాయే యిన్నియు నీయాజ్ఞలే జవళిఁ బ్రాణులకెల్ల సమ్మతైనవి యివల శ్రీవేంకటేశ యిటు నీకే శరణంటి తవిలి నీవే గతి దాఁగ నెట్టువచ్చును | ॥దైవ॥ |