ఆంధ్రభారతి - తాళ్లపాక అన్నమాచార్య కీర్తనలు - వట్టి లంపటాలఁ బడి వడఁ బొరలుటకంటే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 137-6
సంపుటము: 2-159

తాళ్లపాక అన్నమాచార్య

రాగము: శంకరాభరణం

వట్టి లంపటాలఁ బడి వడఁ బొరలుటకంటే వొట్టిన విరతి నూరకుండుటే సుఖము	॥పల్లవి॥
పాపము మానినయట్టి బదుకొక్కటె సుఖము కోపము విడిచినట్టి గుణమొక్కటి సుఖము చేపట్టి గురుబుద్ధి సేసేటిదే సుఖము తీ- దీపులఁ బడనియట్టి దినమే సుఖము	॥వట్టి॥
మహిఁ జంచలములేని మనసొక్కటి సుఖము సహజాచారముతోడి జన్మమొక్కటి సుఖము యిహపరసాధనపు యెన్నికొక్కటి సుఖము బహుళపు టాసకంటె పరిపాటి సుఖము	॥వట్టి॥
పరులఁ బీడించితేని పసిఁడొక్కటి సుఖము గరిమ నిజముతోడఁగల మాటలే సుఖము ధరలో శ్రీవేంకటేశు దాసానుదాఁడయి సరవితో నడచేటి శాంతమే సుఖము	॥వట్టి॥